شوفوا نهاية الشباب اللي يدخلون بنكات البنات ...قصيرة مؤثرة

هالقصه ضحكتني اكثر من اني صدقتها ...لكن والله تعور القلب..اتمنى ماتكون حقيقيه

السلام عليكم اليوم جبت لكم قصه وطبعا هذي حركات شباب اليوم يدخلون بنكات بنات
وانشاءالله تعجبكم...
جراح ويوسف اصدقاء من زمان وتعرفون المواقف والمقالب اللي تصير بين الشباب
بس هالمرة الموقف اللي سواه يوسف بجراح
موقف ضيع حياة جراح
خلونا نشوف أحداث هالقصة مع بعض .. ..
**********
جراح كان داخل التشات بنك (( أدور على حب )) والحبيب داخل جو مو طبيعي
وطايحله سوالف مع بنات خلق الله
إتصل عليه صديقه يوسف ودار بينهم هالحوار
جـــراح : ألووو
يوسف : ألووو هلا والله جراحووو
جـــراح : هلا فيك حبيبي .. ها خير آمرني
يوسف : شنو آمرني .. ! تصرفني أنت وجهك
جـــراح : لا والله بعد عمري إنت بس آنا منهمك بالتشات قز قز مو طبيعي يوسف وناسة
يوسف : ممم خوش أجل شنو نكك .. ؟
جـــراح : ليش بتدخل علي .. ؟
يوسف : لا والله آنا وين والتشات وين خبرك عتيق ما قمت أدخل زهقت منه
جـــراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالتشات
يوسف : أي رمان وأي فواكة .. ! حبيبي هذول بنات مو خضرة لوووووووووول
جـــراح : ههههههههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جـــراح : لا قلبي سلامتك نومة العافيه انشالله
يوسف : الله يعافيك .. تصبح على خير
جـــراح : وإنت من أهل الخير
يوسف : باااي
جـــراح : بااايااات
طبعا يوسف مافيه النوم وأصحى مني ومنكم بس هو مجهز موقف ودقه محترمة حق صاحبه جراح
يوسف دخل التشات ودخل بنك (( أبي واحد يحبني )) يعني منتحل شخصية بنية
وقعد ينتظر وينتظر وياكل تبش و بيبسي
لما دخل عليه نك (( أدور على حب )) لوووووووووول
اللي هو جراح
جراح المسكين ما يدري يفكرا بنيه لوووووووووول
ودار بينهم هالحوار
جـــراح : مساء الخير
يوسف : مساء النور ياهلا
جـــراح : شلونك شخبارك
يوسف : الحمدلله زينة .. وإنت شلونك
جـــراح : آنا بخير دامك بخير
يوسف : دوم انشالله مو يوم
جـــراح : تسلمين ما تعرفنا عليك يا حلوة
يوسف : معاك شيماء وإنت .. ؟
جـــراح : عاشت الأسامي .. معاج جراح
يوسف : عاشت أيامك .. الله إسمك يهبل مرررر حلو ستاااااااااايل
جـــراح : تسلمين من ذوقك .. مادري شلون بنام اليوم
يوسف : لا آنا قلت إسمك يهبل مو إنت .. وبعدين تنام ما تنام كيفك
جـــراح : أووو ليه كذا تكسرين فيني .. آنا زعليت خلاص
يوسف : آسفة
جـــراح : لا كلا واحد .. شيماءكمعمرك .. ؟
يوسف : 18 وإنت ؟
جـــراح : 19
يوسف : العمر كله .. الله إنته أكبر مني
جـــراح : طبعا طبعا .. يالله روحي سويلي بيض طماط بسرعة
يوسف : يالله حدك واثق
جـــراح : طبعا واثق .. شيومه شلون التشات معاك اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جـــراح : تنساني وتروح وحده وحده حتى أستوعب كلامك والجروح
يوسف : يالله ثقيل دمك
جـــراح : شيومة شيومة
يوسف : هلا خير
جـــراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنته تهبل تونس مررره.. شكلك ما تحب ولا جربت الحب
جـــراح : لا والله ما صار نصيب وبعدين مافيه اللي تستاهل أحبها
يوسف : إي والله صحيح .. بس في بنات حلوين و يهبلون وأخلاقهم مرررره حلوه
جـــراح : إي شيومة في بس قتلك للحين ما صار نصيب
يوسف : إنت مشالله عليك روحك حلوه تضحك وتونس الله يخليك لأهلك
جـــراح : صحيح .. ؟
يوسف : إي والله صحيح .. آنا ما حب أجامل أحد
جـــراح : بعد عمري والله
يوسف : شنو .. ؟
جـــراح : آسف إطلعت عفويه من غير قصد
يوسف : لا عادي
جـــراح : ممم أنا ما أشوفك تضحكين كثيرررر ليه .. ؟
يوسف : إي والله صحيح آنا ما أَضحك كثير حياتي تعاسه بتعاسه
جـــراح : أفا ليش .. ؟
يوسف : إنت لما قلتلي بعد عمري آنا كثير استانست بس ما حبيت أبينلك ..
آنا محد يقولي مثل هالكلام ..
أهلي بالبيت يعاملوني كاني خدامه مو بنتهم
جـــراح : كل هذا فيك
يوسف : وأكثر من كذا
جـــراح : تصدقين ودي أسمع منك اكثر سوالفك ما تنمل بس آنا الحين لازم أروح .. ممكن طلب ..؟
يوسف : تفضل
جـــراح : معليش أضيفك عندي بالإيميل هذا إذا ما عندك مانع
يوسف : والله مادري شقولك .. آنا ما أضيف شباب عندي
جـــراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك طيب مررره وآنا بضيفك وإنشالله ما أشوف منكشر
جـــراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جـــراح : أوكي هذا إيميلي .......... متى تضيفيني .. ؟
يوسف : إنشالله الحين
جـــراح : أوكي آنا طالع الحين تامريني على شي .. ؟
يوسف : سلامتك
جـــراح : أشوفك على خير إنشالله .. مع السلامه
يوسف : الله يسلمك
**********
فلم يوسف مشى على جراح المسكين
وجراح عاش بوهم
ويوسف ما تاب صار يسولف مع جراح كل يوم بالمسنجر
وطبعا يوسف للحين منتحل شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط لجراح صورة بنية حاطه طرحه على راسها وهالبنيه حلوه مرررررررره
وجراح لما شاف الصوره لا ليله ليل ولا نهاره نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد يوسف
وهااللعبه اللي مسويها يوسف تتوقعون كم إستمرت .. ؟
ســـــنـــــة كـــــامـــــلـــــة
يوسف للأسف ما مل من هاللعبه
سبحان الله
جراح يبجي وما ينام الليل من كثر الشوق واللهفه والحنين اللي فيه
وينطر متى يجي بكره عشان يسولف مع شيماء
أقصد الوهم
ويوسف الله يسامحه
ميت من الضحك عليه
**********
يوسف قام يحلي اللعبه
صار ما يشبك
وطبعا جراح المسكين قلق كثير ويرسل إيميلات
ويوسف ميت ضحك
جراح صار واحد ثاني
ما يطلع من بيتهم
كلا جالس بغرفته
يتخيل صورة شيومه حبيبته
يتخيل سوالفها
دلعها
روحها الحلوه
ويبكي ويبكي
**********
بعد شهرين
شبك يوسف
وجراح طار من الفرحة
قال حق شيوم ليش ما تشبكين .. ؟ وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمك بكلمك بالتلفون
شيوم إرفضت تدرون ليش .. ؟
لأن صوتها خشن
لوووووووووول
اللي هوصوت يوسف هالتعبان اللي ما يستحي
فقررت شيوم إنها تواعد جراح
ودار بينهم هالحوار
جـــراح : حياتي يعني الحين شلون ماراح أسمع صوتك .. ؟
يوسف : حياتي لا تزعل روحك كذا.. أنا عندي فكرة
جـــراح : تفضلي .. ؟
يوسف : شرايك تشوفني .. وبكذا راح ناخذ على بعض أحسن من التلفون بألف مرة
جـــراح : تتكلمين جد إنتي .. ؟
يوسف : إي والله اتكلم جد
جـــراح : الله وناااااااااااسة
يوسف : وآنا شبي غير وناستك يا بعد عمري
جـــراح : حياتي والله .. إنزين شيومتي أي مكان راح أشوفك فيه .. ؟
يوسف : ممم شوف الساعة 9 بليل بالحديقة شرايك
جـــراح : صار بس شنو راح تلبسين .. ؟
يوسف : ممم راح اكون لابسه طرحه ونقاب وعبايه
جـــراح : يؤ يؤ يؤ ليش كل هالعذاب .. ؟
يوسف : حياتي عشان ما أبي احد يشوفني
جـــراح : أوكي حياتي صار
جراح طبعا ما يحتاي أوصفلكم شعوره
الأخ المسكين راح الصالون ما خلا شي ما سواه بوجهه
سنفرة وتنظيف بشرة وحلق وظبط شغله وكشخ
وراح الحديقه الساعه 5
ينتظر الساعه تصير 9 عشان يشوفها
مسكين كل هذا حب .. ؟
قاعد ينتظر وينتظر
وأخونا الشيطون الثاني يويسف
رايح بازار يشتري ملابس وعباية وطرحه ونقاب
قرب الموعد
يوسف لبس الملابس وتعطر من عطر حمامهم
ولبس الطرحه والنقاب والعبايه
والأخ يعني صايد الحركة
راح كحل عينه
ههههههههههااااااااااي
صارت الساعة 9 بليل
راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر
طبعا يوسف ما خلا عسل ما شربه عشان ينعم الصوت
هههههههههه
ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار
جـــراح : مرحبا
يوسف : مرحبتين يا هلا
جـــراح : إنتي شيوووم .. ؟
يوسف : إي آنا ليه ما عرفتني
جـــراح : لا أعرفك بس حبيت أتأكد
يوسف : والحين تأكدت .. ؟
جـــراح : إي بعد عمري تأكدت
يوسف : يالله عليك على هالكلام الحلو
جـــراح : سمعيني شيوم آنا أموت فيك أحبك موت موت مستعد أذبح روحي عشانك
يوسف : بعد عمري لا تقول تذبح روحك .. سملة عليك
جـــراح : حياتي الله يخليك بكلمك بالتلفون
يوسف : آنا ودي أكلمك بس ماقدر ماقدر
جـــراح : ليش .. ؟
يوسف : تلفوني مافيه رصيد ابداً
جـــراح : ههههه لا يا عمري آنا راح أتصل عليك مو إنتي
يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( لا يمكن الإتصال على المشترك حاليا ))
جـــراح : أوكي خلاص اليوم روحي إشتريلك كرت وعبي
يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام
جـــراح : ولا يهمك حياتي دقايق بروح أشتريلك كرت وأرجع
يوسف : لالا مابي أكلف عليك
جـــراح : لا عمري لا كلافة ولا شي و إنتي مني وفيني
راح جراح يشتري كرت حق شيوم
وطبعا الأخ الفاضل يويسف
رفع النقاب
ووجه عرق
قام يستنشق الهواء
وهو ميت ضحك
شاف جراح جاي من بعيد
غطا وجهه
وصل جراح
ودار بينهم هالحوار
جـــراح : تفضلي عمري هذا الكرت
يوسف : يؤ يؤ بعد عمري مشكور ما قصرت
جـــراح : أفا عليك كم شيومه عندي
يوسف ما قدر يستحمل
فصخ النقاب والشيله
وشوفوا شصار
جـــراح : يو يوس يوس يو يوسس يوسف .. ؟
يوسف : كاااااااااااااااااااااااااااااااك يالخرووووووووووووووووووووووووووووووف
*********
شنو تتوقعون موقف جراح ..؟
من بعد القصة اللي عاشها والسنة اللي خذاها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من صاحبه
جراح إنصدم وظل واقف بمكانه ما يتحرك
رجوله تهتز مو قادره تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح جاله إنهيار عصبي وصار مجنون وبيظل طول عمره بالمستشفى
ضاعت حياة جراح ضاعت
ولو كانت شيماء حقيقة كان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صار يبكي ويبكي ويبكي
وحلف إنه ما يسامح نفسه طول عمره ..
:z09::z09::z09::z09: